Më në fund do të kurorëzohet edhe Erling Haaland. Pasi humbi dy herë përballë Lionel Messit në ceremonitë e FIFA-s dhe UEFA-s nuk mund të ndodhte e njëjta gjë edhe në ceremoninë e “Globe Soccer Awards” të organizuar në Dubai. Sulmuesi norvegjez bëri të tij çmimin e “Futbollistit më të Mirë të Vitit” për 2023. Lojtari i Manchester Cityt triumfoi përballë Cristiano Ronalos, me këtë të fundit që ishte i vetëdijshëm që këtë çmim e meritonte Haaland, pasi herë pas herë bënte me shenjë ndaj tij. Kujtojmë se 23-vjeçari ia doli të fitonte tripletën e Cityn në sezonin e tij të parë në Premier League. Fitoi titullin kampion, Champions League dhe FA për klube, teksa shënoi 52 gola në 53 ndeshje me “Qytetarët’ në të gjitha kompeticionet që mori pjesë.

pic.twitter.com/N9HDQbJijW

— Manchester City (@ManCity) January 19, 2024