Ishte ëndërr prej shumë vitesh, por më në fund është bërë realitet për tifozët e Partizanit. Kompleksi i ri i të kuqve është gati dhe Komisioni i Licencimit në Federatën Shqiptare të Futbollit ka dhënë miratimin për të luajtur ndeshjet e Superligës. Një lajm i mrekullueshëm jo vetëm për mbështetësit e kuq, por edhe për drejtuesit e klubit që i japin fund kalvarit të gjatë të vuajtjeve për të gjetur shtëpi në “shtegtim”.
Prej disa vitesh kishte nisur puna për ndërtimin e këtij kompleksi gjigant, që veç stadiumit, do të përmbajë edhe disa fusha stërvitore për Akademinë dhe ekipin e parë. Burokracitë e ndryshme kanë vonuar punën, megjithatë tashmë gjithçka është gati dhe pas 3 javësh, skuadra e Partizanit luan zyrtarisht Superioren në shtëpi. Kujtojmë që ky kompleks është ndërtuar në periferi të Tiranës.
Lexo gjithashtu
