“Asnjë lojtar nuk është më i rëndësishëm se klubi”
Një fjali e thënë nga Nasser al-Khelaifi pak ditë më parë, kur presidenti i Paris Saint-Germain vizitoi ekipin e tij në kampin stërvitor.
Një gjë e thënë nga al-Khelaifi për shakak të trazirave të krijuara nga Kylian Mbappe i cili synon të largohet nga Parisi pasi njoftoi se nuk donte të rinovonte kontratën e tij që skadon në vitin 2024.
Takimi i pritur mes numrit një të klubit dhe Mbappes nuk është zhvilluar edne, pavarësisht se ultimatumi i vendosur nga al-Khelaifi në fakt ka skaduar. Një ngërç që nuk e ndihmon PSG-në, e cila ka frikë të pësojë një humbje të rëndë ekonomike.
Dita për t’i dhënë fund kësaj ‘telenovele’ thuhet se mund të jetë data 31 korrik. Datë në të cilën Mbappe duhet të marrë një ‘bonus besnikërie’, prej 40 milionësh nëse vendos të aktivizojë klauzolën e rinovimit deri në vitin 2025.
PSG në krahun tjetër në rast mosrinovimi nuk do të hezitojë që ta nxjerrë në shitje ‘xhevahirin’ e ekipit.
Lexo gjithashtu
