Emiliano Martinez ka pohuar se bashkëlojtari i tij te Argjentina, Lionel Messi është "i vetmi lojtar në histori që ka kompletuar futbollin".
Portieri i Aston Villa ka shprehur admirimin e tij për kapitenin argjentinas dhe ka thënë se 36-vjeçari është një frymëzim për shumë njerëz, jo vetëm në fushë por edhe jashtë saj. Me triumfin e Kupës së Botës në vitin 2022, Messi tani ka fituar çdo trofe madhor në futboll.
Duke folur për TV Publica, Martinez tha: "Ai përfaqëson atë që është një argjentinas. Familjar, ai jep gjithçka për fëmijët dhe gruan e tij. Ai e do futbollin, ai jep gjithçka në fushë. Shembulli që duhet ndjekur është Messi. ai është ndoshta më i famshmi në botë. Ai e do familjen dhe kujdeset për fëmijët e tij, janë burim krenarie për të.
“E ndjek shumë në këtë drejtim. Ai është lojtari i parë dhe i vetëm në histori që ka përfunduar futbollin. Ai e përfundon karrierën e tij si idhull jo vetëm si lojtar por si person. Nuk ia them këto gjëra, sepse ai i di këto. Ai e di se sa shumë e vlerësoj dhe e mbroj në fushë”.
Lexo gjithashtu
