Emi Martinez ishte një nga protagonistët e Argjentinës në Kupën e Botës, i cili me pritjet e tij bëri të mundur që kjo kombëtare të ngrinte lart trofeun.
Pikërisht portieri i ëhstë rikthyer edhe njëherë kësaj ngjarjeje, ndërsa flet edhe për Lionel Messin që fitoi Kupën e Botës në moshën 35-vjeçare, pasi sipas tij e meritonte.
“Është bukur të luash me të. Është diçka që unë do të jem krenar t'u them fëmijëve dhe nipërve të mi kur të rriten. Por ju e dini, kur ne jemi bashkë, aii është thjesht Leo. Ne e dimë dhe duhet të respektojmë gjithçka që ai arriti në futboll, dhe gjithçka që ai donte ishte të fitonte me ekipin kombëtar.
Ai më ka thënë që do të ishte i gatshëm të linte të gjithë “Topat e Artë” vetëm për të fituar Copa Amerika dhe Kupën e Botës. E pashë duke thënë se kur po ktheheshim në Argjentinë ai po mbante trofeun. Ai tha ‘kjo është e vetmja gjë që doja në karrierën time futbollistike’, dhe unë thashë ‘kështu bëj edhe unë! ’ U ndjeva krenar për atë moment, që ndihmova të arrijë ëndrrën e tij. Ai fitoi gjithçka në nivel klubesh, por gjithsesi diçka i mungonte.
Kur e kupton se çfarë ka kaluar në karrierën e tij, është shumë e madhe. Fitoi Kupën e Botës në moshën 35 vjeçare, kur Enzo Fernandez e fitoi vetëm 21 vjeç!
Kjo tregon se futbolli është shumë i vështirë. Messi do të jetë lojtari më i mirë ndonjëherë në histori, dhe atij iu desh deri në 35 vjeç për të fituar Kupën e Botës. WoW!”, ka deklaruar portieri që bëri bujë në Katar 2022.
Lexo gjithashtu
