Marco Verratti është larguar zyrtarisht nga Paris Saint-Germain pas 11 vitesh dhe është transferuar në Katar, ku do të luajë për Al-Arabi. Një zgjedhje e detyruar, duke qenë se mesfushori italian e gjeti papritur veten jashtë skuadrës, pasi ishte një element themelor për skuadrën pariziane deri në sezonin e kaluar. Revolucioni i verës i largoi të gjithë lojtarët "të padëshiruar" nga kryeqyteti francez,  ata lojtarë që ishin kritikuar gjithashtu nga tifozët për mungesën e rezultateve. Lionel Messi gjithashtu ishte një prej të larguarve, por përsëri argjentinasi i ka dërguar mesazh Marco Verrattit, ndërsa i uron suksese në aventurën e re. "Të uroj fat në aventurën tënde të re. Ju uroj më të mirat gjithmonë", ka shkruar kampioni i botës, teksa nuk ka vonuar edhe përgjigja e mesfushorit italian: “Faleminderit miku im”.

 

View this post on Instagram

 

A post shared by Leo Messi (@leomessi)