Sot, 'kuqezinjtë' e klubit të Shkëndijës nga Maqedonia e Veriut vazhduan traditën e tyre të përvitshmee të kujdesit social duke kaluar një pjesë të ditës me fëmijët me nevoja të veçanta në Qendrën Ditore “Teteksi” në Tetovë. Futbollistët e klubit shqiptar Zija Merxhani, Ferat Ramani dhe Lorik Jakupi të shoqëruar nga stafi mediatik dhe logjistik u bashkuan me këtë kategori të shoqërisë duke e bërë këtë periudhë të fundvitit edhe më të veçantë për ta.
Lojtarët u dhuruan paketa ushqimore si dhe kalendarin zyrtar të Shkëndijës për vitin 2025, i cili këtë herë u prezantua për herë të parë ekskluzivisht për këta fëmijë, përpara shpërndarjes së tij zyrtare për publikun. Takimi u shoqërua me buzëqeshje, biseda të ngrohta dhe momente të paharrueshme që përcollën mesazhin e solidaritetit dhe dashurisë.
KF Shkëndija e sheh si përgjegjësi sociale mbështetjen dhe kujdesin për çdo kategori të shoqërisë. Këto vizita janë një dëshmi e përkushtimit për të ndikuar pozitivisht në jetën e fëmijëve dhe për të dhënë shembullin se bashkë mund të krijojmë një shoqëri më të mirë.
Lexo gjithashtu
