Laçi u mposht sot në shtëpi në një ndeshje ku kurbinasit futeshin si favoritë. Bylis fitoi me rezultatin 1-0 dhe kjo ka krijuar pakënaqësi për Gentian Mezanin.
Trajneri i kurbinasve foli pas ndeshjes duke analizuar shkurtimisht atë që ndodhi. Ai tregoi se ku çaloi skuadra e tij teksa për mikrofonin e Oversport tha:
“Mendoj që kemi gabuar në pjesën e parë, në mënyrën se si kërkuam të fitonim topin. I kisha kërkuar një presing ultraofensiv. Ishte logjike që të kërkonim këtë lloj mënyrë se luanim në shtëpi. Kundërshtari bëri këtë gjë. Te goli, mendoj që dy lojtarët para mbrojtjes, janë jashtë pozicionit në ato momente. E kishim organizuar ndryshe, por asnjëri nuk ishte në vendin e duhur. Më vjen keq që skuadra nuk po reagon. Mendoj që kemi humbur 6 pikë dhe kemi rrezikuar jashtëzakonisht shumë. Mendoj që nuk kemi bërë maksimumin për të marrë pikët e plota këtu në Laç.
Grinta? Ato ndeshje që janë fituar kanë kaluar. Jemi para faktit që kemi humbur 2 ndeshje. I kemi detyrim për t’i fituar sfidat në shtëpi. Nuk kemi bërë as 50 përqindëshin që duhet. Duhet ndryshuar mentaliteti. Duhet të mbajë përgjegjësi gjithëkush. Kampionati sa vjen e bëhet më e vështirë. Disa çuna nuk e kanë kuptuar që gjithçka varet nga këmbët e tyre. Ndeshjet e shkuara, kanë kaluar. Nuk mund të mendojmë ne se kemi fituar 3 ndeshje dhe hajde. Jo, kemi humbur 2 ndeshje në shtëpi dhe gjithësecili të mbajë përgjegjësita e veta.
Guindo dhe Spahiu? Guindo nuk mund të vertikalizojë shpejt topin. Është lojtar që njeh portën. Por, do furnizuar. Por mendoj se nuk ishte ai problemi. Nuk kemi pasur rrjedhshmëri të aksioneve. Kemi luajtur larg portës dhe kjo e bënte të vështirë.
Maksimumi nga lojtarët? Unë mendoj që nuk do të kalojë normalisht. Po të shihni aksionin e golit, lojtarët gabojnë. Ujka e lë kundërshtarin të futet në zonë. Ne jemi fajtorë të gjithë. Unë i pari dhe gjithë skuadra. Kur jepen detyrat duhet të zbatohen. Duhet të kesh shumë dëshirë për ta fituar ndeshjen. Nuk mund të ketë tifozi në stadium më shumë dëshirë se sa lojtari. Është për t’u analizuar kjo ndeshje. Po rrezikojmë objektivat. Nuk jam i kënaqur me mënyrën e lojës. Do të shohim në vazhdimësi.
Euforia? Ndoshta dhe euforia ka ndikuar. Por, kjo është e papranueshme. Jemi profesionistë të gjithë. Duhet të japim maksimumin. Kemi luajtur në Laç 2 ndeshje dhe kemi detyrim fitoren. Asnjë rezultat nuk të nevojitet dhe nuk të bën punë. Nëse nuk fitojmë ndeshjet brenda, atëherë... Duhet të mbajmë përgjegjësi, gjithësecili”, tha ai.
Lexo gjithashtu
