Italia mposhtet nga Anglia në sfidën e parë të eliminatoreve të Euro 2024. Kampionët në fuqi u mposhtën 2-1në shtëpi nga “Tre Luanët”.
Paas kësaj humbje trajneri Roberto Mancini do të theksonte se skuadra e tij u zgjua vonë, ndërsa meritonim të paktën barazimin.
Barazimi? “E kishim të qartë se do të ishte një ndeshje e vështirë. Pësuam dy gola nga goditjet e këndit. Pjesën e dytë e dominuam në çdo aspekt. Na vjen keq që nuk arritëm të barazonim, por u zgjuam vonë nga gjumi.
Mateo Reteguin debutoi me gol? “Ka vetëm 3-4 ditë që është me ne dhe ka nevojë të njihet me shokët dhe futbollin italian. Vuajti në fillim, edhe prej faktit që mbrojtësit anglezë janë të fortë fizikisht. Ata nuk i lanë hapësira. Mateo ka nevojë për kohë, por ai u shfaq i gatshëm menjëherë për të dhënë kontributin e tij. Ai është i ri, por më pëlqeu në pjesën e dytë. Ia doli të shënonte edhe gol.
Kane? Komplimente, Harry është një sulmues fantastik. Është i kompletuar, gjuan penallti, goditje dënimi, gjithçka. I uroj të shënojë edhe shumë gola të tjerë me Anglinë”, ka përfunduar tekniku i italianëve.
Lexo gjithashtu
