“Këto janë ditë të vështira, por duhet të vazhdojmë. Është një humbje e madhe për mua, për familjen e tij dhe për futbollin italian”, nis kështu kujtimi i Roberto Mancini për mikun e tij Gianluca Vialli. I zbehtë në fytyrë dhe shumë i mërzitur, timonieri i kombëtares italiane rrëfen takimin e tyre të fundit, më 29 dhjetor në Londër.
"E dija se ishte hera e fundit që do ta shihja. Shpresoja të ndodhte një mrekulli. Bëmë shaka dhe ai ishte në humor të mirë si zakonisht, më erdhi mirë që e pashë të tillë në atë kohë që po luftonte me sëmundjen e rëndë.
Kemi jetuar pothuajse gjithë jetën bashkë, kemi pasur një lidhje vëllazërore. U ndamë nga pikëpamja futbollistike, por kur jeni miq jeni miq përgjithmonë. Për mua Luca ishte vëllai im. Marrëdhënie e shkëlqyer respekt, dashuri, miqësi mbi të gjitha.
Ai i bëri të rinjtë të kuptojnë vlerën e fanellës së kombëtares. Ishte një person me vlerë të madhe për ne.
Luca ishte gjithmonë i gëzuar. E kam parë të zemëruar shumë pak herë dhe ai duhet të mbahet mend për atë që ishte, shumë i gjallë në çdo kuptim. Ai ishte një futbollist i madh, një profesionist i madh”, ka theksuar Mancini.
Lexo gjithashtu
