Alessandro Bastoni po zhvillon një sezon të mirë me zikaltrit e Simone Inzaghi. 23 vjeçari ka tërhequr vëmendjen e shumë klubeve jashtë Italisë. Së fundmi dy klubet angleze Manchester United dhe Tottenham Hotspur kanë shprehur interesimin e tyre për mbrojtësin.
Bastoni është ende në bisedime klubin e Inter për rinovimin e kontratës. Klubi mesa duket nuk është i përgatitur për të arritur prtishmërinë e lojtarit për rrogën e re. Sipas “Tuttosport” italiani kërkon një rrogë sezonale prej 5 milion euro, por në klubin zikaltër nuk kanë dhënë sinjale pozitive për këtë kërkesë.
Nga ana tjetër kjo situatë po shihet me interes nga dy klubet angleze. Sipas “Daily Mail”, Bastoni ka pasur kontakte me Tottenham këtë verë, por ka qenë i lumtur të vazhdonte karrierën në Milano. Por tani situata mund të ndryshojë paksa me mbrojtësin që mund të gjejë në Londër ish teknikun e tij tek Inter, Antonio Conte.
Lexo gjithashtu
