Renato Malota ka folur pas barazimit 1-1 kundër Laçit. Qendërmbrojtësi i Egnatias ishte protagonist në këtë takim duke arritur të fitojë penallti, që u shndërrua në gol nga Jackson.
Pas sfidës, shtatlarti i fazës difensive u shpreh i kënaqur për pikën e marrë ndaj kurbinasve. Në fjalën e tij për mikrofonin e Oversport, Malota deklaroi:
“Ne luajtëm për shumë minuta me 10 veta dhe duke parë që Laçi ka qenë gjithmonë në Europë, mendoj se ishte pikë pozitive për ne. Mendoj se i kemi mundësitë të arrijmë Europën. E thashë dhe më parë sepse e mbajmë Laçin poshtë me këtë pikë. Çdo pikë është shumë e vlefshme për objektivat.
Te goli ishin disa fajtorë. Por Spahiu është ndër më të mirët e kampionatit shqiptar. Reaguam mirë pas golit. Kishim dhe rastin me Kasën me portën bosh, por është pjesë e fatit. Për ne është e rëndësishme tani rikthimi në fushën tonë. Ne sot po luanim në fushën e Laçit (Qesh). Kam besim se objektivin që kemi do ta arrijmë”, tha ai.
Lexo gjithashtu
