Renato Malota ka folur pas kualifikimit në gjysmëfinale të Kupës së Shqipërisë. Qendërmbrojtësi i Egnatias deklaroi për mikrofonin e Oversport:
“Jemi të kënaqur, për ne ishte historike. E kishim përgatitur mjaft mirë ndeshjen. Nuk e prisnim këtë rezultat kaq të thellë. Dua t’i them një bravo të madhe çunave. Jemi të lumtur që jemi në gjysmëfinale. Ishte rast deçiziv kur largova topin nga vija fatale. Jemi me këmbë në tokë. Na pret një fazë e tretë dhe e katërt mjaft e fortë.
Detyra jonë është që ekipit t’i japim qetësi. Kemi pasur oshilacione si ekip. Tani futemi në një fazë shumë deçizive. Ekipi ynë ka treguar kualitet dhe mund të bëjmë më shumë se sa jemi për momentin.
Objektivi? Më lart mund të shkojmë në Kupë dhe në kampionat. Por, nuk mund të them për titull. Pse jo vendin e dytë, mund ta arrijmë. Dua Europën me kampionatin.
Laçi? Të them të drejtën më vjen keq për Laçin. Kemi kaluar 2 vite të suksesshme. Më vjen keq që i shoh në këtë gjendje. Ata do të bëjnë më të mirën dhe do të dalin nga kjo gjendje. Nuk e kuptoj se çfarë nuk shkon sepse nuk jam brenda. Kam besimin që do të dalin nga kjo situatë.
Titulli? Dua të jem realist. Mendoj që deri 2-3 javët e fundit do të jetë e hapur. Ekipi që gabon më pak do të jetë pranë titullit kampion. Nuk shoh asnjë skuadër favorite. Si Tirana, si Partizani dhe Vllaznia kanë treguar oshilacione. Kampionati ndahet në fund.
Egnatia si Kukësi? Vjet u fut për herë të parë në Superligë, sikurse Kukësi në 2012. Presidenti Demrozi na rri afër, na ka plotësuar gjitha kërkesat. Kam besim se do të përsëriten ato vite që kanë qenë te Kukësi. Do të bëjmë më mirë se sa herën e parë në Superligë”, tha ai.
Lexo gjithashtu
