Në përfundim të ndeshjes Kukësi – Rudar, trajneri i verilindorëve Hasan Lika ka dhënë deklaratën e tij duke analizuar atë çfarë ka ndodhur përgjatë 90-minutave. “Barazimi nuk është rezultat pozitiv për ndeshjen e parë duke qenë se luanim në shtëpi. Në pjesën e dytë kemi gabuar shumë, duke bëra gjëra të papranueshme. Gabimet tona i ka shfrytëzuar kundërshtari. Në pjesën e parë kishte gjëra pozitive ndërsa në pjesën e dytë kemi bërë shumë gabime. Ishim me shumë forca në mesfushë por gabuam në aspektin organizativ të lojës. Duke gabuar në këtë sector të fushës i dhamë mundësi kundërshtarit të organizohej dhe të na vinte në vështirësi. Duke u tërhequr shpejt në mbrojtje të rezultatit mendos se sërish gabuam. Duhet të kishim kërkuar një gol të dytë për ta bërë më të thjeshtë. Futbollistët e afruar nuk kishin kondicionin e duhur megjithatë duhet të mendojmë për ndeshjen e dytë. Rangel bëri një paraqitje të mirë dhe mendoj se do ti shërbej skuadrës akoma më shumë. Javën e ardhshme do të jetë e fortë por ne do të shkojmë për të fituar dhe për tu kualifikuar. Megjithatë duhet të përmirësojmë disa gjëra në fillim”, ka deklaruar trajneri Hasan Lika.
Lexo gjithashtu
