Liverpool barazoi 1-1 me Luton në sfidën e javës së 11-të të Premier League. Golin për “The Reds” e shënoi Luis Diaz.
Lojtari në festën e golit kërkoi lirimin e babait të tij, i cili prej ditësh është në dorën e rrëmbyesve. Prindërit e lojtarit të Liverpool u rëmbyen nga rebelët e krahut të majtë të Ushtrisë Çlirimtare Kombëtare në qytetin e tyre të lindjes me 28 tetor. Ndërsa nëna e tij është gjendur dhe liruar, babai i tij mbetet ende i zhdukur.
Diaz ngriti fanellën e tij për të zbuluar mesazhin që shkruante: “Liri për babain tim”.
“Këtu nuk po flet lojtari Lucho Díaz i sotëm, djali i Luis Manuel Díaz. Mane, babai im, njeri punëtor, shtyllë e familjes… ai tani është rrëmbyer.
I kërkoj ELN-së që ta lirojë sa më shpejt babanë tim, po ashtu kërkoj nga shoqatat ndërkombëtare që të punojnë në këtë për të garantuar lirinë e tij.
Çdo sekondë, çdo minutë që kalon ne jemi më të shqetësuar. Nuk kemi fjalë për të përshkruar ndjenjat e tmerrshme të familjes sonë dhe do të jetë e njëjta për sa kohë që ai nuk është kthyer në shtëpi.
Ju lutem ta lironi babanë tim tani, duke respektuar integritetin e tij. Dua të falënderoj të gjithë kolumbianët dhe gjithashtu komunitetin ndërkombëtar për mbështetjen tuaj që ma keni dhënë”, thuhet në letrën e Luis Diaz.
Lexo gjithashtu
