Partizani do të luajë nesër në mbrëmje kundër Skenderbeut në Elbasan Arena, por lojtarët, në intervistat për median e tyre shfaqin optimizëm. Leandre Tavamba, sipas medias serbe është një nga shpresat për ekipin bardhezi. “Ne do të shkojmë të luajmë futboll në Shqipëri. Dëshira ime është të shënoj gol për të kontribuar në suksesin e ekipit. Besoj se do të jem në gjendje të shkund rrjetën e Skënderbeut” thotë ai duke provokuar kështu ekipin pritës.
Por jo vetëm kaq, por shton. “Sidoqoftë, është shumë e rëndësishme që të arrijmë fitoren të gjithë së bashku sesa të kemi performancën e gjithsecilit në plan të parë. Kam shumë besim dhe jam gati të pranoj gjithmonë përgjegjësinë në lojë. Ne do të fitojmë, ky është qëllimi ynë, edhe pse do të jetë një sfidë shumë e nxehtë në Elbasan", tha Tavamba për median serbe. Lidhur me atë që mund të pritet ai thotë. “Jemi duke menduar për të gjitha. Ne jemi profesionistë. Puna jonë është të luajmë futboll dhe të përqëndrohemi në fushë pa marrë parasysh cfarë ndodh rreth nesh” tha ai.
Lexo gjithashtu
