Francezi Kylian Mbappe ka fituar ditën e sotme Super Kupën e Francës, ndeshje e luajtur në orën 13:30 kundër ekipit të Rennes. Mbappe është i nominuar në listën e 10 lojtarëve më të mirë të vitit, pas një sezoni "fantastik" të lënë pas.
Talenti francez tregoi se e meriton plotësishtë vendin e tij pranë 10 më të mirëve, duke shënuar në finalen e sotme në Francë. Pas një asist nga Sarabia, Mbappe ka shënuar shumë lehtë duke barazuar ndeshjen në 1-1. Gjatë gjithë ndeshjes talenti francez ka qenë më i rrezikshmi për mbrojtjen e Rennes dhe në fund të finales është shpërblyer me çmimin "lojtari më i mirë i ndeshjes".
Ky çmim është një stimul më shumë në prag të shpalljes së "lojtarit më të mirë të vitit" në Zyrih.
