Mesfushori i Dinamos, Klevi Qefalija, foli pas fitores me Skënderbeun në të cilën shënoi golin e dytë që mbylli llogaritë e ndeshjes. Qefalija u shpreh i kënaqur për formën e tij fantastike ku ka shënuar 3 gola në 2 ndeshjet e fundit
“Dy ndeshjet e fundit me tre gola, jam shumë i kënaqur. Meritonim pikë me Tiranën e nuk i morëm. Shohim para dhe tani të shohim vijimin.
Edhe debutimin tim e kam me Skënderbeun, edhe golin e parë e kam me Skënderbeun. Ekip fatsjellës.
Me Teutën është ndeshje shumë e rëndësishme. Ne në çdo ndeshje futemi për fitore. I marrim ndeshjet një nga një, shohim Teutën dhe pastaj të tjerat.
Dëmtimi? Kur u rrëzova, u godita me takë në kokë. Një çarje e vogël”, tha Qefalija.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
