Basketbollisti i Barcelonës, Justin Doellman, nuk do të lejohet të luajë si kosovar në ligën spanjolle. Edhe pse ai është gati të pajiset me pasaportën e Kosovës, pasi do të luajë për përfaqësuesen e tij, Doellman nuk do të njihet si kosovar në Spanjë sepse ky vend nuk e njeh Kosovën si shtet të pavarur. Lajmi është konfirmuar nga Miguel Cardenal, sekretari i Këshillit Superior Sportiv në Spanjë. Ai ka thënë që pasaporta e Kosovës nuk është e vlefshme në Spanjë dhe për këtë arsye, Doellman nuk do të njihet si kosovar.
