Liverpool ka bërë një merkato mjaft të mirë deri më tani ku ka shpenzuar rreth 120 milionë dollarë me blerjen e Alexis Mac Allister nga Brighton dhe atë të Dominik Szoboszlai nga Leipzig. Skuadra e Jurgen Klopp mendon edhe për transferimin e mesfushorit belg Romeo Lavia dhe sëbashku me mesfushorët aktual në ekip, ky repart do të ishte paksa i mbingarkuar.
Thiago Alcantara ka hyrë në vitin e fundit të kontratës së tij me Liverpool-in dhe duke lënë mënjanë situatën e kontratës, mesfushori po përballet me një skenar të ndërlikuar në “Anfield”. Pas një sezoni të vështirë si klub Liverpooli dështoi të kualifikohej në Ligën e Kampionëve teksa nga ana personale ish-lojtari i Bayern Munich nuk ishte në gjendje të ndihmonte ekipin në fazat mbyllëse të sezonit.
Klubi anglez së shpejti mund t’i duhet të marrë një vendim të rëndësishëm për të ardhmen e spanjollit me Fenerbahcen që e konsideron akoma një lojtar në formë dhe të rëndësishëm dhe janë ta gatshëm për ta transferuar atë në Turqi.
Lexo gjithashtu
