Ansu Fati është futur së fundmi në "radarët" e tre klubeve angleze. Anësori i Barcelonës nuk duket se po kalon një moment të mirë në Katalonjë. Aktivizimet e pakta kanë rritur interesin e Liverpool, Arsenal dhe Manchester United për shërbimet e tij.
Fati ka lënë pas dëmtimin e gjatë, mirëpo e ka humbur vendin e titullarit në formacion. Për Xavi është më i rëndësishëm Raphinha apo Dembele sesa lojtari i formuar në “La Masia”. Klubet angleze mund të përfitojnë nga kjo situatë pasi sulmuesi do të ishte shumë i dobishëm për secilin për ta duke parë edhe perspektivën e tij.
Gazetari Fabrizio Romano ka zbuluar se zyrtarë të Liverpool dhe Manchester United kanë pasur takime me agjentin e lojtarit. Ansu Fati ka luajtu në çdo ndeshje të këtij sezoni në La Liga, por vetëm në 7 prej tyre e ka nisur si titullar. Ai ka shënuar 3 gola dhe ka dhënë 3 asist.
Lexo gjithashtu
