Ishin 60 sekonda që mund t’i kushtonin shumë Nimagës, pasi mesfushori i Skënderbeut u ndëshkua me karton të verdhë në minutën e 41-të me karton të verdhë pas një ndërhyrje të rrezikshme nga pas në dëm të Asion Dajës.
Por, vetëm 60 sekonda më pas, Nimaga ndërhyri fillimisht duke prekur topin me dorë e më pas duke shkaktuar faull në dëm të Merveil. Një moment kur lojtarët e Tiranës pretenduan për një karton të dytë të verdhë për Nimagën.
Gjithsesi, faulli i shkaktuar nga mesfushori malien i Skënderbeut solli golin e dytë të Tiranës, pasi Hoxhallari shënoi direkt nga goditja e dënimit.
Trajneri Ilir Daja u pa i shqetësuar nga ndërhyrjet e Nimagës, madje duke i bërtitur për t’i kërkuar më shumë qetësi nga ana e mesfushorit. Tashmë në minutën e 61-të, trajneri i Skënderbeut e ka zëvendësuar Nimagën me Sebino Plakun.
*Faulli i dytë i shkaktuar nga Nimaga, vetëm 60 sekonda pasi ishte ndëshkuar me karton të verdhë:
Loading ...
