Trajneri i Argjentinës është shumë i qartë sa i takon lojtarëve që do të ketë në Kupën e Amerikës. Lionel Scaloni pas fitores 3-1 me Kosta Rikën ka theksuar se vetëm dy lojtarë e kanë të garantuar një vend në Kupën e Amerikës.
Dhe si të ndodhë ndryshe, Lionel Messi dhe Angel Di Maria sipas timonierit të kampionëve të botës e kanë të siguruar pjesmarrjen në këtë kompeticion, ndërsa për futbollistët e tjerë do të shikohet gjendja e tyre deri në shpalljen e listës.
“Benitez është një mundësi, në botën e futbollit nuk dihet asgjë. Ai është këtu sot, ai pati mundësinë e tij, por nuk mund ta garantoj për asnjë nga lojtarët që erdhi në kampin stërvitor. Vetëm për atë që nuk erdhi, që ju tashmë e njihni [Messin]. Të tjerat, do të shohim. Epo, edhe Di María e ka vendin e garantuar”, tha Scaloni në konferencën për media.
Lexo gjithashtu
