Sot zhvillohen ndeshjet gjysmëfinale në Ligën Unike, ku priten ndeshje mjaft interesante. Pas takimeve çerekfinale në Rahovec, pjesa finale do të zhvillohet në Durrës. Takimi i parë gjysmëfinal është ndërmjet Rahovecit dhe Pejës. Të dy skuadrat duan trofeun e parë dhe historik të Ligës Unike. Vreshtarët u kualifikuan në gjysmëfinale pa lojë, derisa Peja mundi Vllazninë. Skuadrat kanë zhvilluar stërvitjet në Durrës dhe janë gati për gjysmëfinalen e parë.
Gjysmëfinalja e dytë do të jetë shumë interesante ndërmjet Goga Basket dhe Golden Eagle Ylli. Goga luan në shtëpi, andaj e dëshiron trofeun e çmuar, kurse Ylli e kërkon trofeun e parë në histori të klubit. Të martën zhvillohen ndeshjet gjysmëfinale, derisa takimi për vendin e tretë dhe finalja e madhe do të zhvillohen të mërkurën.
Kjo është hera e parë që zhvillohet një ligë në sportet kolektive ndërmjet Kosovës dhe Shqipërisë, duke jetësuar ëndrrën e shumë shqiptarëve.
Orari
13 Prill
16:00 Gjysmëfinalja e parë: Rahoveci-Peja
19:00 Gjysmëfinalja e dytë: Goga Basket-Golden Eagle Ylli
14 Prill
16:00 Ndeshja për vendin e tretë
19:00 Finalja e madhe
Loading ...
