Polonia u mposht nga Çekia mbrëmjen e djeshme dhe tashmë sfida e radhës për polakët është dueli me kombëtaren shqiptare. Kjo sfidë do të luhet më 27 mars në Varshavë.
Pas humbjes ka folur sulmuesi kryesore i polakëve, Robert Lewandowski. Lojtari i Barçës theksoi se disfata e mbrëmshme është një dush i ftohtë për duelin me Shqipërinë ku do të jetë një luftë e vërtetë.
“Tani duhet të përqendrohemi te Shqipëria. Duhet të kthehemi përsëri në shina. Kjo ndeshje duhet të jetë një dush i ftohtë për të gjithë ne, nuk ka rëndësi ku luajmë, do të jetë një luftë dhe asgjë nuk do të vijë lehtë”, u shpreh ish-futbollisti i Bayern Munich.
