Polonia ka nisur përgatitjet për Kupën e Botës. Grupi C ku polakët bëjnë pjesë është një grup jo i lehtë, pasi pjesë e këtij grupi janë Argjentina, Meksika dhe Arabia Saudite. Lewandowski shihet si lojtari i cili mund të bëjë diferencën për polakët, por sulmuesi ka marrë një lajm jo të mirë.
Robert Lewandowski është dënuar me tre ndeshje në La Liga. Sulmuesi i Barcelonës pas kartonit të kuq në fitoren 2-1 ndaj Osasuna-s javën e kaluar, pas një bërryli në fëtyrë ndaj David Garcia.
Gerard Pique është dënuar me katër ndeshje pasi ka fyer arbitrin në pjesën e parë pas këtij vendimi. Megjithatë, ish-mbrojtësi i Spanjës, Pique u tërhoq pas asaj ndeshje.
Pezullimi me tre ndeshje i Lewandowski ishte për shkak të një gjesti që tregonte një "qëndrim përçmues ndaj gjyqtarëve".
Ishte vetëm kartoni i dytë i kuq në karrierën e tij. Ai do të mungojë në ndeshjet e La Liga-s kundër Espanyol, Atletico Madrid dhe Getafe pas kthimit nga Katari.
Lexo gjithashtu
