
Skuadra e Teutës po kalon ditë të mbushura me zhvillime. Pas largimit të trajnerit Ahmataj dhe emërimit të Gentian Begejas në krye të skuadrës, ka patur lëvizje në stafin teknik teksa është larguar edhe ndihmësi i Ahmatajt, Akil Jakupi, dhe në vend të tij është emëruar Julian Fezgo. Trajner portierash do të vazhdojë të mbetet Kapllani.
Ndërkohë në merkato është afruar boshnjaku Cmajcanin i cili luan si mesfushor. Por përveç afrimit, ka pasur edhe një largim të rëndësishëm, ai i Nijaz Lenës, i cili nuk ka gjetur akordin me klubin për të vazhduar bashkëpunimin. Këto ditë pritet rinovimi i portierit Shpëtim Moçka.
Poll