Debutoi me ekipin e parë të Bayern disa ditë më parë, duke impresionuar drejtuesit bavarezë. Leon Dajaku, i riu me origjinë kosovare tregon në një intervistë për "KTV" se është një ëndërr e bërë realitet aktivizimi me ekipin e Bayern. I qetë dhe më këmbë në tokë, 18 vjeçari që kaloi këtë sezon nga Stuttgart te Bayern, flet për familjen, klubin ne ri, trajnerin dhe raportet me lojtarët e gjigantëve të Bundesligës.
"Ka qenë fantastike, askush nuk e besonte se në një kohë kaq të shkurtër do debutoja te Bayer. Nuk mundesh dot të thuash se çfarë emocioni ishte. Trajneri ka qejf lojtarët e rinj dhe pata fat se bërë gol kur më ndoqi. Është diçka e madhe, të afërmit janë të emocionuar duke parë se çfarë atmosfere bëhet në stadium".
"Vjet kam qenë të Stuttgart, ka qenë një kohë shumë e mirë. E kemi fituar Kupën dhe kishim mundësi për më shumë. Për mua ishte e vështirë të largohesha sepse kisha dhe familjen afër. Prindërit më kanë thënë se nëse të thërret Bayern mos u mendo dy herë".
"Kimmich dhe Gnabry më kanë afruar sapo e kanë marrë vesh se vij nga Stuttgart, sepse dhe ata janë prej andej. Më ka ndihmuar shumë afrimi me ta. Muller më qëndron pranë dhe më thotë të stërvitem pasi do bëhem yll i madh, kam marrëdhënie të mira me të. Kur më panë me topin më krahasuan me Alcantara-n, për mënyrën e lojës me top. Më pëlqen Leëandoëski sepse shënon gola të pabesueshëm. Thonë se jam si Marco Reus, por çdo lojtar ka stilin e tij. Dua të fitoj Ligën e Kampioneve dhe në çdo stërvitje tregoj dhe punoj që të fitoj minuta. Goli nga mesi i fushës me Bayern II ishte më i miri dhe ndikoi që të afrohesha në ekipin e parë".
Lexo gjithashtu
