Legjenda e Milanit emërohet trajner i kombëtares

Andrij Shevçenko do të jetë trajneri i ri i kombëtares ukrainase të futbollit.

Ish-sulmuesit legjendar të Milanit i është besuar drejtimi i kombëtares së vendit të tij pas dështimit të ekipit në EURO 2016. Shevçenko ishte pjesë e stafit të Mikhail Fomenko në EURO 2016, por pasi ekipi ukrainas e mbylli europianin pa marrë asnjë pikë, federata vendosi të ndërpresë marrëdhënien me trajnerin me eksperiencë dhe tashmë ka vendosur t’ja besojë drejtimin futbollistit më të njohur që futbolli ukrainas ka nxjerrë së fundmi, fitues i “Topit të Artë” në 2004.

Ukraina është në një grup me Kosovën në eleminatoret e Botërorit Rusi 2018.