Janë luajtur pasditen e sotme 4 ndeshjet e para të fazës së 1/16-ve të Conference League. 4 sfida mjaft interesante ku në to ka patur edhe surpriza.
Ish-skuadra e Ernetst Muçit, Legia e Varshavës është mposhtur në transfertë nga Molde me rezultatin 3-2. Një sfidë në të cilët polakët shkuan në disavantazh të 3 golave, por gjetën fuqinë për të shënuar dy, duke mbajtur kështu shpresa për ndeshjen e kthimit.
Një surprizë e pasdites së sotme ishte barazimi i Eintracht Frankfurt përballë Royale Union SG. Gjermanët u “shtangën” duke u ndalur në barazim 2-2, duke lënë që llogaritë e kualifikimit të mbyllen në sfidën e dytë. Në krahun tjetër, Olympiacos ka fituar minimalisht 1-0 përballë Ferencvaros, ndërsa Sturm Graz ka “shpartalluar” 4-1 Slovan Bratislavan.
Lexo gjithashtu
