Ervin Brahimi është larguar nga skuadra e Butrintit. Është lojtari i skuadrës sarandiote që përmes një postimi tregon se është trajneri shkaku i këtij divorci. Përmes një postimi në rrjetet sociale, ai tregon se Odisea Çipa e ka akuzuar se ka dhënë lekë për të luajtur në formacion.
Ndaj për këtë, Brahimi ka vendosur të largohet nga Butrinti. Në postimin e bërë në rrjetet sociale, lojtari shkruante:
“Falënderoj gjithë çunat që kam lozur te ekipi i Butrintit. Nga sot e tutje s’do të jem më pjesë e ekipit për shkak të intrigave midis trajnerit kundër meje sikur unë kam dhënë lekë për të luajtur më përpara. Me llafe merren të gjithë, po statistikat e mia tregojnë gjithçka.
Si nga golat, po ashtu edhe nga paraqitja ime deri ku jam sot. Saranda është një vend intrigash. E respektoj fanelën e Butrintit sepse kam lozur, edhe kam derdhur djersë. Po nuk toleroj të ma hedhin djersën poshtë për intrigat e tyre”.
[caption id="attachment_669912" align="alignnone" width="819"]
Postimi i Brahimit[/caption]
Lexo gjithashtu
