Drejtori sportiv i Lazio, Igli Tare po punon që tani për Lazion e vitit të ardhshëm. Shqiptari po përgatit disa emra për merkaton e verës pasi ekipi bardhekaltër mund të marr pjesë në Champions dhe duhet një skuadër kompetitive. Në media po përfliten disa emra si psh. lojtari i Brugge, Jutla.
Kohët e fundit është përfolur një largim i mesfushorit serb Milinkovic-Savic, por Tare mesa duket e ka një plan b në rast largimi të tij. Bëhet fjalë për mesfushorin e Freiburg, Sallai. Kartoni i tij vlen rreth 14-15 milionë euro dhe për Lazio mund të jetë një investim i mirë, pas ai përmbush nevojat si në mesfushë ashtu edhe në sulm.
Lazio barazoi dje me Bolognan dhe kjo mund të lëkundë pozitat e lacialëve në top katërshe. Mejgithatë pjesëmarrja në Europë është e sigurtë vitin tjetër dhe Tare ka gati një plan për një skuadrë që do të luftojë në të gjitha frontet sezonin e ardhshëm.
Lexo gjithashtu
