Një djalë 14-vjeçar, kampion në sportin e kickbox-it, ka pësuar një vdekje tragjike në sekondat e fundit të ndeshjes finale të turneut.
Scott Marsden, nga Hullsborough i Anglisë, u shpall kampion për peshën e tij në vitin 2015 në Spanjë por të shtunën në mbrëjme mori një goditje fatale nga kundërshtari i tij e cila kërkonte ndërhyrje urgjente për ta shpëtuar.
Ndeshja u pezulla, dhe Scott u dërgua mënjëherë në spitalin e qytetit, në Leeds.
Miqtë e tij tregojnë për “Daily Mail” se djaloshi i pafat, u nda nga jeta ditën e djeshme në spital i rrethuar nga familja dhe të afërmit e tij.
Organizatorët e turneut shprehën gjithashtu ngushëllimet më të përzemërta dhe deklaruan mbajtjen e një minute heshtjeje në nderim të kampionit të vogël.
Autoritetet kanë bërë me dije se incidenti është konsideruar i pavullnetshëm ndaj nuk do të ndiqet penalisht.
Lexo gjithashtu
