Peskara shkëlqen në Serinë A dhe gjen fitoren e parë në shtëpi në javën e 25-të të kampionatit.
Skuadra e Ledian Memushajt fitoi sot 5-0 kundër Xhenovës. Mesfushori kuqezi, i cili mban edhe shiritin e kapitenit te "delfinët" ka dhënë dy asis në këtë fitore të jashtëzakonshme.
Pas shkarkimit të trajnerit Masimo Odo në mesjavë, në stolin e Peskarës debutoi sot Zdenek Zeman, trajneri çek, i cili duket se ka rikthyer optimizmin te skuadra ku aktivizohet Ledian Memushaj.
Peskara, pas 25 javësh kampionat gjendet në vendin e fundit në renditje me 12 pikë, 10 më pak se vendi i 4-t nga fundi që të jep të drejtën e qëndrimit në Serinë A. Kjo ndaj Xhenovës ishte fitorja e parë në shtëpi për "delfinët" në këtë sezon në kampionat pas 4 barazimesh dhe 8 humbjeve në stadiumin e tyre.
Lexo gjithashtu
