Lajmi i fundit/ Ndërpritet ndeshja e Superligës, tifozët bëjnë për spital dy policë

Sot, Liria luajti kundër Dritës. Megjithatë ky takim i Superligës së Kosovës nuk përfundoi pasi u ndërpre në minutën e 90-të duke bërë që policia të hynte në fushë për të qetësuar tifozët, por edhe lojtarët.

Ultrasit e Dritës, “Intelektualët” tentuan të hynin në fushë pas 11-metërshit që u akordua për Lirinë në minutat e fundit. Sipas “GazetaOlle”, policët u munduan të qetësonin situatën, por nga gurët e hedhur nga tifozët, mbeten të plagosur dy policë të cilët tashmë gjenden në spital duke marrë ndihmën e specializuar.