Partizani rikuperon Alban Hoxhën. Kapiteni i të kuqve është stërvitur normalisht ditën e sotme dhe është i gatshëm për ndeshjen ndaj Kukësit.
Portieri i Partizanit nuk u përgatit dje me grupin duke vënë në “alarm” trajnerin e të kuqve.
Por, Alban Hoxha ka konfirmuar sot me prezencën e tij në stërvitje se nuk asgjë për t’u shqetësuar dhe se do të jetë në gatishmëri për të mbrojtur portën e Partizanit në super sfidën që do të luhet në Kukës.
Të kuqtë u stërvitën sot në orën 14:00 në kompleksin sportiv “Internacional Tirana“ në Pezë dhe më pas u grumbullua në rezidencën “Vila Park” në kryeqytet.
Partizani do të udhëtojë të shtunën në Kukës, ku do të akomodohet një ditë para ndeshjes kundër verilindorëve, përballje që do të zhvillohet të dielën në orën 14:00.
Loading ...
