Briken Calja mes akuzash të forta pak ditë më parë deklaroi tërheqjen nga garimet në olimpiadën “Rio 2016”, e cila do të përbënte dhe skandalin e radhës për shqiptarët në Lojërat Olimpike. Por, peshëngritësi nga Elbasani ka reflektuar pak orë përpara garës zyrtare.
Në rrjetin social “facebook” ai është shprehur qartë se është penduar për atë që ndodhi pak ditë më parë, ndërsa thotë se ishte një moment dobësie dhe egoizmi për të, por sot iu jep fjalën të gjithë shqiptarëve se do të garojë për ta dhe për flamurin Kombëtar.
“Kërkoj ndjesë të thellë sa i takon pjesës kur deklarova se do të tërhiqem nga “Rio 2016”. Ishte një veprim i nxituar nga ana ime. Moment dobësie... Ndoshta u tregova dhe egoist, por unë sot do garoj për ngjyrat e flamurit tonë, për shqiptarët dhe për të gjithë njerëzit që më besuan. Më uroni sukses!”, deklaron Calja.
[caption id="attachment_24839" align="aligncenter" width="491"]
Faksimile e postimit te Briken Caljas ne "facebook"[/caption]
Lexo gjithashtu
