Pas dëmtimit që pësoi futbollisti shqiptar, i cili e la jashtë fushe për pak ditë, për të në këto ditë festash kanë ardhur lajme të mira nga trajneri Arsene Wenger, i cili ka bërë të ditur se Shkodran Mustafi do të rikthehet në skuadër këto ditë.
Ai do të fillojë stërvitjen me pjesën tjetër të ekipit, menjëherë pas rikuperimit nga dëmtimi, që mund të ndodhë brenda pak ditësh, për të qenë i gatshëm për stërvitjen e fundjavës.
Trajneri ka thënë, se lëndimi i takon të kaluarës. “Mustafi është rikthyer në stërvitje normale dhe do të ftohet në skuadër”, është shprehur Wenger. Mbrojtësi shqiptar, Shkodran Mustafi, është gati për të luajtur. Ndërkohë që pritet që ai të luajë ditën e dielë ndaj Crystal Palace në “Emirates Stadium”.