Laçi drejt konsolidimit, Troisi pret akoma më shumë

Laçi është një ekip pothuajse i ri në Superiore, jo për emrin, por për përbërjen. Këtë vit është përfshirë nga shumë ndryshime, ndërsa ardhja e Marcello Troisit në krye të skuadrës bëri që ndryshimet të jenë radikale dhe shumë emra të rinj të përfshihen në projektet e bardhezinjve.

Përveç portës, të gjithë repartet e tjerë janë prekur, ndërsa trajneri për “Neësport.al” konfirmon se është i kënaqur me ekipin, por pret ende më shumë. “Normalisht ne po shkojmë drejt konsolidimit. Na duhet edhe pak punë dhe mendoj se po bëjmë më të mirën për të formuar një Laç të suksesshëm. Kemi afruar elementë cilësorë dhe shumë shpejt them se do të shohim skuadrën që duam në fushë”, tha trajneri brazilian i kurbinasve.