Real Madrid ka luajtur mbrëmjen e sotme ndeshjen e javës së 3-të të La Liga. Madrilenët u përballën me Celta Vigo në transfertë. Një fitore minimale 0-1 për “Los Blancos” dhe tepër e vështirë. Një ndeshje që nisi mjaft mirë për Celtan dhe shënuan që në minutën e 3’, por goli u anullua nga VAR për një faull ndaj portierit Kepa. Në pjesën e dytë Reali ishte më kërkues, madje në mintuën e 68’ fituan një penallti, e cila u humb nga Rodrygo. Kur gjithçka po dukej se do shkonte në barazim, ishte Jude Bellingham që shënoi golin e avantazhit për të besuarit e Ancelottit. Një tjetër ndeshje e mirë nga ish-mesfushori i Dortmund i cili tashmë në tre ndeshje në kampionatin spanjoll, numëron 4 gola. Në krahun tjetër Real Sociedad barazoi 0-0 në mënyrë surprizuese përballë Las Palmasit në transfertë.

| GOAL: Bellingham scores for Madrid. Celta Vigo 0-1 Real Madrid pic.twitter.com/HeKuwDHlIa

— Sportsarena (@Beastlysport) August 25, 2023