Kupa e Botës do të fillojë në më pak se një muaj, shumë ekipe kanë shprehur pakënaqësitë e kësaj ndërprerje në mes të sezonit duke u shkaktuar jo pak dhimbje koke, pasi rreziku për dëmtime është i lartë.
Gazeta spanjolle, AS raporton se tre klube të La Ligës do të shkojnë në turne gjatë pushimit në futbollin e klubeve. Real Betis do të shkojë drejt Argjentinës dhe Kilit që është shtëpia e trajnerit Manuel Pellegrinit. Atje ata do të luajnë miqësore kundër River Plate dhe Colo Colo me mundësi edhe një ndeshje të tretë.
Ndërkohë të dy klubet të tjera do të shkojnë në Turqi për ndeshje publicitare. Villarreal dhe Cadiz do të përballen me Fenerbahce, Galatasaray dhe me shumë gjasë edhe një ekip të tretë.
Ndeshjet do të zhvillohen në nëntor. Fillimisht kishte pasur plane për të udhëtuar në Meksikë dhe SHBA, por klubet në rajon përcaktuan se miqësoret do të zhvilloheshin në dhjetor, diçka që drejtuesit nuk ishin të gatshëm ta sanksiononin me rifillimin e Kupës së Mbretit.
Lexo gjithashtu
