Real Madrid i ka cilësuar spekulimet se janë në bisedime me superyllin e PSG-së, Kylian Mbappe si "plotësisht të rreme". Gazeta spanjolle AS publikoi një lajm ku thuhej se sulmuesi francez kishte hequr dorë nga bonusi prej 100 milionë eurosh dhe kishte mbyllur akordin me Galaktikët, lajm ky që u hodh poshtë nga Los Blancos përmes një deklarate zyrtare “Duke pasur parasysh informacionin e lëshuar dhe publikuar së fundmi nga media të ndryshme, në të cilat ka spekulime për negociata të supozuara mes lojtarit Kylian Mbappé dhe klubit tonë, Real Madrid CF dëshiron të deklarojë se ky informacion është plotësisht i rremë dhe se negociata të tilla nuk janë zhvilluar me një lojtar që i përket PSG-së”, thuhet në deklaratën e klubit. Mbappe nënshkroi një marrëveshje të re 1-vjeçare me PSG gjatë verës, megjithatë, doli se viti i fundit i kësaj kontrate është opsional, që do të thotë se ai mund të largohet që në 2024, e jo në 2025. Liverpool dhe Real Madrid, ndër të tjera, janë lidhur ngushtë me yllin francez, me këtë sagë transferimi që pritet të vazhdojë sërish.

Comunicado Oficial.#RealMadrid

— Real Madrid C.F. (@realmadrid) November 4, 2023