Nedim Bajrami ka marrë lejen për të veshur fanellën kuqezi. 22 vjeçari që ka lindur në Zvicër por është me origjinë nga shqiptarët e Maqedonisë Veriore, do jetë afrimi i ri në grupin e Edy rejas. Bajrami pak muaj më parë ishtë në stërvitje me Shqipërinë, ndërsa Federata e Zvicrës në futboll dhe FIFA bllokuan debutimin.
Tanimë fantazisti i Empolit ka marrë "ok" e CAS në Lozanë për t'u veshur kuqezi, me FSHF që ka fituar një betejë ligjore për një lojtar të rëndësishëm. Bajrami e ka nisur karrierën te moshat e Zurich, për të luajtur me ekipin e parë të Grasshopers. Aftësitë e djaloshit u pikasën nga Empoli në 2019, teksa italianët e morën një vit në huazim dhe një vit më vonë e blenë lojtarin për 2.7 milionë euro.
Aktualisht vlera e tij në treg është 6 milionë euro, ndërsa ishte ndër protagonistët kryesor për ngjitjen e Empolit në Serie A. Në dy javët e para në elitën italiane, Bajrami ka luajtur 180 minuta duke qenë deçiziv, me asist dhe transversë. Në fitoren e dy ditëve më parë që Empoli mori ndaj Juventus në Torino 0-1, Bajrami ishte personi kyç nga erdhi goli i tri pikëve. Duket se kuqezinjtë kanë fituar një element të talentuar në fazën e avancuar.
Lexo gjithashtu
