Lautaro Martinez më në fund është zhbllokuar duke shënuar në ndeshjen e madhe në Camp Nou kundër Barcelonës. I intervistuar për Inter TV, argjentinasi komentoi mbi ndeshjen e sotme.
Përgëzoj shokët e ekipit dhe stafin. Bëmë një ndeshje të madhe dhe e vumë në vështirësi Barcelonën sidomos në pjesën e dytë. Jemi të kënaqur me barazimin edhe pse ashtu si erdhi ndeshja mund të merrnim më shumë. Megjithatë, nëse këto ndeshje nuk fitohen atëherë nuk duhen humbur.
Momenti kur topi goditi të dyja shtyllat për mua zgjati 5 minuta. Jam shumë i lumtur për golin dhe gjithashtu për Gosens pasi e meriton.
Këto ndeshje janë të bukura për t’u luajtur, stadiumi ishte full dhe është e rëndësishme të kesh personalitet. Kemi biseduar javë përpara. Është e rëndësishme të punojmë bashkë për njëri-tjetrin dhe të vazhdojmë të sjellim rezultate pozitive në shtëpi. Po bëjmë shumë mirë.
Lexo gjithashtu
