Redon Xhixha padiskutim deri më tani është goditja më e bujshme dhe “big” e Superiores. Tirana ia doli me sukses të rikthente në kryeqytet një nga futbollistët që ka lënë gjurmë si bardheblu.
Padiskutim që me rikthimin e Xhixhës, kryeqytetasit kanë siguruar “golat”, me ish-in e Laçit që ditën e djeshme u prezantua edhe zyrtarisht te Tirana. Menjëherë nisi stërvitjen nën urdhrat e Ardian Nuhiut, i cili po përgatit ekipin për duelin e Kupës së Shqipërisë.
Tirana do të përballet me Skënderbeun ditën e shtunë në orën 13:00 në “Selman Stërmasi”, por në këtë përballje nuk do të mbështet te shërbimet e Xhixhës. Kjo pasi futbollisti ende nuk ka marrë lejëkalimin zyrtarë dhe në këtë mënyrë i duhet të presë edhe disa ditë.
Siç dihet sulmuesi ka prishur kontratën me ish-klubin e tij tashmë, CR Belouizdad dhe tani pret që të marrë dokumentat për të zbritur në fushë me Tiranën dhe për të debutuar në aventurën e dytë si bardheblu. Padiskutim që mos aktivizimi i tij me Skënderbeun do të ketë mërzit paksa tifozët të cilët presin të shikojnë sërish Xhixhën e dikurshëm në fushë dhe të ndihmojë skuadrën me gola.
Lexo gjithashtu
FOTO/ Fokus maksimal, te Pogradeci gati për të rindezur “motorët”
Nën “presionin” e Kupës së Shqipërisë, Vora MESAZH tifozëve (POSTIMI)
Bylis dhe Laçi “luftë” në Kupë, e shkuara favorizon kurbinasit
