Vllaznia dhe Dinamo kanë barazuar në ndeshjen e vlefshme për gjysmëfinalen e parë të Kupës së Shqipërisë. Sfida e zhvilluar në stadiumin “Loro Boriçi”, përfundoi me rezultatin 0-0. Në përfundim të këtij dueli ka folur “Lojtari i Ndeshjes”, mbrojtësi dinamovit, Naser Aliji.
“Është e vërtetë që kam luajtur i dëmtuar. Nuk e di se çfarë më ndodhi para ndeshjes, kisha dhimbje mesi, por më pas u ndjeva më mirë. Për momentin jam në formë shumë të mirë dhe ndihem mirë fizikisht. Shpresojmë që t’i shkojmë deri në fund kësaj. Ku të ketë nevojë ekipi unë luaj, s’ka lidhje pozicione, për mua nuk ndryshon.
Të dy trofetë apo titullin në vend të Kupës? Duam t’i fitojmë të dy trofetë, jemi sportistë profesionistë dhe do të japim maksimumin. Dueli me Foden ishte një kënaqësi, një ndër lojtarët më të mirë në botë. Superiorja? Problemi në Superiore është problem numri i tifozëve në stadium”, është shprehur Naser Aliji.
Lexo gjithashtu
Të pathyeshëm në Kupë, STATISTIKAT e Egnatias “trembin” Partizanin
Kërkojnë finalen pas 21 vitesh, 2 lojtarë mbajnë “peng” Skënder Gegën
