Skënderbeu – Dinamo është çerekfinalja e fundit e Kupës së Shqipërisë që do të luhet në orën 16:30 në stadiumin “Skënderbeu”. Një duel shumë i rëndësishëm për skuadrat që kërkojnë biletën e fundit për në gjysmëfinale, me ndeshjen e parë mes tyre që ka përfunduar 2-0 në favor të korçarëve.
Ekipi i Ernest Gjokës synon të ruajë këtë avantazh për të kaluar në fazën tjetër, ndërsa “djemtë” e Ilir Dajës të vetmen rrugë për kualifikimin kanë të përmbysin rezultatin e sfidës së parë. Një sfidë që premton të jetë e luftuar, me trajnerët që kanë përgatitur gjithçka në detaje.
Si te korçarët ashtu edhe te dinamovitët ka dilema sa i takon formacioneve. Gjoka është në dilemë për një fanellë titullari mes Frenklit apo Estrela dhe mes Nikalt e Lukinas, ndërsa nga skuadra e Dinamos ka një balotazh mes Hoxhës dhe Alijit për në qendër të mbrojtjes.
Formacionet e mundshme:
Skënderbeu: Alia, Vangjeli, Ramos, Prençi, Shaqe, Sabo, Janaqi, Frenkli (Estrela), Nikaj (Lukias), Nars, Bismark. Trajner: Ernest Gjoka.
Dinamo: Teqja, Meksi, Hocha (Aliji), Dint, Lorran, Toli, Gudiabi, Qefalija, Nani, Bregu, Zabërgja. Trajner: Ilir Daja.
