Në orën 18:00 në “Loro Boriçi” skuadra e Vllaznisë dhe Egnatias do të bëjnë mes tyre llogaritë e gjysmëfinales së kthimit. Një duel mjaft i luftuar pritet të jetë mes dy ekipeve që kërkojnë me ngulm biletën për në finalen e Kupës së Shqipërisë.
Sfida e parë mes shkodranëve dhe rrogozhinasve ka përfunduar në favor 1-0 të ekipit të Edlir tetovës. Në këtë duel shkodranët do të tentojnë përmbysjen dhe njëkohësisht edhe “hakmarrjen” ndaj rrogozhinasve për eliminimin e një sezoni më parë nga ky turne.
FSHF-ja ka vlerësuar maksimalisht këtë duel, teksa ka vendosur edhe për gjyqtarët e sfidës. Kështu kryesorë do të jetë Juxhin Xhaja, ndërsa do të ndihmohet nga Rejdi Avdo dhe Arbër Zalla. Arbitër i 4-të do të jrtë Olsion Yzeiraj, teksa VAR-i i është besuar Kreshnik Bajramajt, ndërsa në AVAR do të jetë Adrian Beqiraj.
