Dinamo dhe Egnatia ditën e nesërme do të sfidohen mes tyre në finalen e Kupës së Shqipërisë. Një përballje mjaft e rëndësishme për objektivat e skuadrave, e cila do të startojë në orën 18:00 dhe do të zhvillohet në “Elbasan Arena”.
Mjaft emocionuese do të jetë përballja mes dinamovitëve dhe rrogozhinasve , të cilët do të përplasin “brirët” për trofeun. Por kjo do të jetë edhe një përballje mes Ilir Dajës dhe Edlir Tetovës.
Do të vihen kundër njëri –tjetrit dy nga trajnerët më të mirë të këtij sezoni, teksa mes tyre janë përballur 4 herë. Daja ka arritur të fitojë 2 sfida përballë tetovës.
Ndërkohë trajneri i rrogozhinasve ka triumfuar vetëm në 1 rast përballë timonierit të “Bluve”. Gjithashtu 1 duel mes tyre ka përfunduar në barazim, teksa mbetet të shihet se kush do të triumfojë në “Elbasan Arena” për të ngritur lart më pas trofeun e Kupës.
Lexo gjithashtu
Egnatia – Dinamo City, finalja e Kupës së Shqipërisë në statistika
Te Vllaznia “harrojnë” eliminimin nga Kupa, në Shkodër ka festë
