Shkarkimi i Migen Memellit është lajmi i fundit që ndez futbollin shqiptar. Vllaznia njoftoi ndërprerjen e kontratës me teknikun pas rezultateve negative dhe zëvëndësuesi i tij do të jetë Qatip Osmani. Menjëhrë pas shkarkimit, një reagim i papritur ka ardhur nga Struga, aty ku Vangjel Zguro ka lëshuar një deklaratë të fortë.
“Çunat e drejtë ecin para sepse Zoti sheh dhe është i madh. Kurse servilat, bespremat dhe njerëzit ordinet që janë mësuar me intriga dihet fundi i tyre. Ec te shpia se s’je për sport. S’je për të drejtuar ekip, çun legen”, shkruan Zguro.
Zguro dhe Memelli kanë qenë së bashku te Skënderbeu 2 sezone më parë, por nuk dihet nëse këto fjalë janë në drejtimin e trajnerit apo dikujt tjetër. Megjithatë, një deklaratë e tillë pikërisht tani, zor se është thjeshtë një koecidencë.
Lexo gjithashtu
